“Байер” ғалабали сериясини 14 та ўйинга етказди.

Хаби Алонсо шогирдлари Европа лигасида "Хэкен"ни меҳмонда мағлуб этишди – 2:0.

Ушбу турнирда леверкузенликлар шу пайтгача гуруҳ босқичининг барча бешта турида ғалаба қозонишган. Улар 1994/95 йилги мавсумда УЕФА кубогида ўрнатилган клуб рекордини такрорлашга муваффақ бўлишди. "Байер" ҳеч қачон еврокубокларда кетма-кет бешта ўйинда ғалаба қозона олмаганди.

Умуман олганда, Германия жамоаси барча турнирларда кетма-кет 14 та ғалабага эришди. Бу мавсумда у фақат "Бавария"ни мағлуб эта олмади (2:2), жами 18 учрашув унинг ғалабаси билан якунланган.

Кейинги учрашувда “Байер” 3 декабрь куни Дортмунднинг “Боруссия”сига қарши майдонга тушади.