"Liverpul" bosh murabbiyi Yurgen Klopp Yevropa ligasi guruh bosqichining 5-turida LASK ustidan qozonilgan g‘alaba (4:0) haqida fikr bildirdi.
“Eng muhimi, biz guruhni boshqarmoqdamiz va bu o‘zgarmaydi. Yaxshi tomonlari ko‘p edi, lekin menga unchalik yoqmagan jihatlari ham bo‘ldi. Biz buni doimo aytamiz: biz o‘sishimiz va rivojlanishimiz kerak. Yaxshi futbol bo‘ldi, lekin bu o‘yin tanaffusgacha bo‘lishi kerak edi. 2:0 va 3:0 hisoblarida biz biroz ochilib, raqibga vaziyatlar yaratishga imkon berdik. 4:0 hisobida g‘alaba qozonish - bu fantastika", - deya Kloppning so‘zlarini keltiradi UYEFA matbuot xizmati.
