“Andijon” –“Buxoro” (1:0) o‘rtasidagi uchrashuvdan keyingi matbuot anjumanining dastlabki qismida mehmonlar bosh murabbiyi Ulug‘bek Baqoyev ishtirok etdi.

— Albatta, muxlislarsiz o‘yinda nimadir yetishmaganligi bilinib turdi. Uchrashuv tomoshabinlar bilan bo‘lganida yanada jozibali bo‘lardi. Aytishim mumkinki, ishqibozlarsiz o‘yin zerikarli bo‘ldi. Shunday bo‘lsa-da, o‘yinni yaxshi boshlashga harakat qildik. Lekin xatoimiz qimmatga tushdi. Biz ham bir qator vaziyatlarga ega bo‘ldik. Jamoamiz esa bundan foydalana olmadi. Mavsum tugadi, o‘rni kelganda barcha muxlislarga minnatdorchilik bildiraman. Bizga muxlislik qilishgani va qo‘llab-quvvatlab turishgani uchun rahmat. Bu - futbol, unda hamma narsa bo‘lishi mumkin. Nima deyishim mumkin? Vazifani bajara olmadik. Endi bundan buyog‘iga nima qilishni rejalashtirib olamiz.

— “Buxoro” keyingi mavsumda pro ligada o‘ynaydi. Klubda qolib ishni davom ettirasizmi?
— Keyingi maqsadlarm haqida nima deyishim mumkin? Agar klubda ishlaydigan bo‘lsam, jamoani Superligaga qaytarish asosiy vazifam bo‘ladi. Hozir esa keyingi vaziyat qanaqa bo‘lishini bilmayman. Bu biz uchun ko‘ngildagidek mavsum bo‘lmadi. Astoydil hammasini tahlil qilib chiqamiz va “Buxoro”ni Superligaga qaytarish bo‘yicha vazifalarimizni belgilab olamiz. Mana shu bizni hozirgi rejamiz.

“Andijon” matbuot xizmati.