«Chelsi» bosh murabbiyi Maurisio Pochettino APLning 14-turida «Brayton»ga qarshi o‘yin arafasida London jamoasining joriy mavsumning qolgan qismidagi maqsadlari haqida gapirdi.
«Chelsi» ustozining fikricha, jamoa Chempionlar ligasi zonasiga kirish imkoniyatiga ishonishi kerak.
«Biz hali ham Chempionlar ligasiga chiqishimiz mumkinligiga ishonishimiz kerak. Bu qiyin bo‘ladi. Eng muhimi, faqat mavsum yakuniga emas, bugun va ertangi kunga e’tibor qaratishdir», - dedi Pochettino matbuot anjumanida.
«Chelsi» - «Brayton» uchrashuvi 3 dekabr kuni Londonda bo‘lib o‘tadi.
