Madridning «Real» klubi bosh murabbiyi Karlo Anchelotti Jud Bellingemning ahvoli haqida fikr bildirdi.
Avvalroq, angliyalik yarim himoyachi oyog‘idagi og‘riq tufayli mashg‘ulotlarni tezda yakunlagani haqida ma’lumotlar paydo bo‘lgandi.
«Bellingem ertaga o‘ynaydi. U shunchaki charchagan va to‘pig‘ida biroz noqulaylik bor. Ammo u ertaga o‘ynaydi.
Ko‘p jarohatlar bormi? Bu faqat bizning muammomiz emas, ko‘p jamoalar qiynalmoqda. Biz har bir o‘yinda o‘yinchilarimizni yo‘qotamiz, lekin biz birdam bo‘lib, bir xil ruhda davom etishimiz kerak», dedi Anchelotti matbuot anjumanida.
