Мадриднинг «Реал» клуби бош мураббийи Карло Анчелотти Жуд Беллингемнинг аҳволи ҳақида фикр билдирди.
Аввалроқ, англиялик ярим ҳимоячи оёғидаги оғриқ туфайли машғулотларни тезда якунлагани ҳақида маълумотлар пайдо бўлганди.
«Беллингем эртага ўйнайди. У шунчаки чарчаган ва тўпиғида бироз ноқулайлик бор. Аммо у эртага ўйнайди.
Кўп жароҳатлар борми? Бу фақат бизнинг муаммомиз эмас, кўп жамоалар қийналмоқда. Биз ҳар бир ўйинда ўйинчиларимизни йўқотамиз, лекин биз бирдам бўлиб, бир хил руҳда давом этишимиз керак», деди Анчелотти матбуот анжуманида.
