«Real Madrid»da markaziy hujumchi pozisiyasiga malakali futbolchi yetishmayapti. Yozda madridliklar Karim Benzemaning to‘liq o‘rnini bosa oladigan hujumchini xarid qilmadi.
Madridning «Real» klubi qishki transfer oynasida hujumni kuchaytirishni rejalashtirmayapti. Bu haqda jamoa bosh murabbiyi Karlo Anchelotti jurnalistlarga ma’lum qildi.
«Yanvar oyida yangi forvard sotib olasizmi? Yo‘q. Klub yozgacha o‘z ro‘yxatini rejalashtirgan. Biz yaxshimiz. Jarohatlar taqvim zichligi tufayli sodir bo‘lmoqda», - dedi Anchelotti matbuot anjumanida.
