"Milan"ning sobiq texnik direktori Paolo Maldini futbol boshqaruvida ko‘pincha futbolchining iqtidoriga tayanishini, lekin uni qanday rivojlantirishni bilmasligini aytdi.
“Ko‘pincha biz iste’dodni qanday rivojlantirishni bilmasdan, faqat iste’dodga tayanamiz. Bunga eng yaqqol misol “Chelsi” va “Manchester Yunayted”: bozorga katta sarmoya kiritish va yomon boshqaruv juda yomon natijalarga olib keladi. Iste’dod har doim ham e’tirofga sazovor bo‘lavermaydi, agar siz yosh yigitlarning salohiyatiga pul tiksangiz, muvaffaqiyatsizlik xavfi juda yuqori bo‘ladi", - deya Maldinining so‘zlarini keltiradi La Reppublica.
"Manchester Yunayted" joriy mavsumda APLda 13 turdan keyin 24 ochko bilan oltinchi o‘rinda bormoqda. "Chelsi" 16 ochko bilan 10-o‘rinda bormoqda.
"Ko‘klar" 2023 yilning yozida transferlar uchun 464 million yevro sarflagan. Bu har qanday klubning bir transfer oynasida sarflagan eng katta summasidir.
"Manchester Yunayted" o‘tgan yozda 206,7 million yevro sarflagan.
