"Милан"нинг собиқ техник директори Паоло Мальдини футбол бошқарувида кўпинча футболчининг иқтидорига таянишини, лекин уни қандай ривожлантиришни билмаслигини айтди.
“Кўпинча биз истеъдодни қандай ривожлантиришни билмасдан, фақат истеъдодга таянамиз. Бунга энг яққол мисол “Челси” ва “Манчестер Юнайтед”: бозорга катта сармоя киритиш ва ёмон бошқарув жуда ёмон натижаларга олиб келади. Истеъдод ҳар доим ҳам эътирофга сазовор бўлавермайди, агар сиз ёш йигитларнинг салоҳиятига пул тиксангиз, муваффақиятсизлик хавфи жуда юқори бўлади", - дея Мальдинининг сўзларини келтиради La Reppublica.
"Манчестер Юнайтед" жорий мавсумда АПЛда 13 турдан кейин 24 очко билан олтинчи ўринда бормоқда. "Челси" 16 очко билан 10-ўринда бормоқда.
"Кўклар" 2023 йилнинг ёзида трансферлар учун 464 миллион евро сарфлаган. Бу ҳар қандай клубнинг бир трансфер ойнасида сарфлаган энг катта суммасидир.
"Манчестер Юнайтед" ўтган ёзда 206,7 миллион евро сарфлаган.
