"Chelsi" bosh murabbiyi Maurisio Pochettino "Nyukasl"ga qarshi o‘yin qanchalik omadsiz kechganini esladi.
“Ko‘klar” “qarg‘alar”ga 1:4 hisobida imkoniyatni boy berdi. 73-daqiqada Ris Jeyms maydondan chetlatilgani uchun londonliklar bir kishi kam bo‘lib qolishdi.
“Ko‘ngilsizlik bu to‘g‘ri ta’rif, chunki menimcha, “Nyukasl”ga qarshi o‘yinda biz bu mavsumda birinchi marta mag‘lubiyatga loyiq edik. Ba’zida bizda jamoa sifatida yetuklik yetishmaydi, bu esa xatolarga olib keladi. O‘sha kuni barchamiz - futbolchilar va murabbiylar shtabi klubimizni tushkunlikka tushirdik. Biz aynan shunday o‘ylashimiz kerak", - deya Pochettinoning 3 dekabr kuni "Brayton"ga qarshi o‘yin oldidan so‘zlarini keltiradi The Guardian.
