“Manchester Siti”da ishlayotgan ispaniyalik murabbiy Pep Gvardiola Londonning “Tottenxem” klubi ustozi Ange Postekoglu haqida gapirdi.
“Postekoglu kabi odamlar futbolni yaxshilaydi. Men uning jamoasi o‘yinlarini tomosha qilishdan zavqlanaman. "Tottenxem" har doim g‘alaba qozonishga yaqin, hatto g‘alaba qozona olmagan o‘yinlarda ham. Muxlislarimizni yakshanba kuni stadionga tashrif buyurishga chorlayman. Qiziqarli o‘yin bo‘ladi", - dedi "shaharliklar" ustozi.
"Manchester Siti" 3 dekabr kuni "Tottenxem"ni qabul qiladi, o‘yin Toshkent vaqti bilan soat 21:30da boshlanadi. Ushbu o‘yin oldidan mezbonlar ikkinchi o‘rinda, "shporlar" esa beshinchi o‘rinda.
