"Manchester Yunayted" bosh murabbiyi Erik ten Xag Chempionlar ligasi guruh bosqichida "Galatasaroy"ga qarshi o‘z jamoasining so‘nggi o‘yinida omadsizlikka uchragan darvozabon Andre Onanani himoya qildi.
"Onana Premyer-ligada golli vaziyatlarni bartaraf etish bo‘yicha eng yaxshi darvozabon. Shuni hisobga olib, u asosiy tarkibda bo‘lishga loyiq. Andre yanvar oyida Afrika kubogiga boradimi? Agar u Kamerun terma jamoasiga chaqirilsa, ketishi kerak bo‘ladi. Shu bilan birga, biz Andreni saqlab qolish bo‘yicha muzokaralar olib bormoqdamiz", - deya ten Xag so‘zlarini keltiradi jurnalist Fabrisio Romano.
