"Lids"ning sobiq xo‘jayini, italiyalik Massimo Chellino 2014 yilning yanvarida ingliz klubiga qo‘shilganidan keyin qanday qilib tasodifan murabbiyni ishdan bo‘shatganini aytib berdi.

Chellino hozirda Italiyaning "Breshia" klubiga egalik qiladi va murabbiylarni tez-tez almashtirib turishi bilan mashhur. U shuningdek, juda xurofotli va tug‘ilgan sanasida 17 raqami borligi sababli o‘yinchini rad etishga tayyor, shuningdek, binafsha rangga dosh berolmaydi.

"Lids"ga kelganimda, men butunlay sarosimaga tushdim. Mening ingliz tilim juda yomon edi. Mening talaffuzim dahshatli edi. Borganimda klub ofisida binafsha rangli baxmal divan bor edi. Men: "Bu la’nati divanni almashtiring, men uni boshqa ko‘rishni xohlamayman", dedim. Va ular o‘sha murabbiyni ishdan bo‘shatishdi!" - dedi Chellino Daily Mail bergan intervyusida.

Angliyalik Brayan Makdermottning omadi chopmadi, bosh murabbiy yangi xo‘jayin kelganidan keyin "Lids"ni tark etdi.

"Ular mendan: "Ertaga jamoani kim boshqaradi?" Men: “Nima demoqchisiz? Bizda murabbiy yo‘qmi? Ular: "Siz uni ishdan bo‘shatgansiz", deyishdi. "Men menejerni ishdan bo‘shatganmanmi? Jin o‘rsin!" - deb eslaydi Chellino.

Italiyalik mutaxassisning so‘zlariga ko‘ra, shundan so‘ng "Lids"ning ikki ming muxlisi klub ofisiga u bilan gaplashib olish uchun kelgan, shunda uni polisiya mashinasida olib ketishgan.

Chellino 2014 yildan 2017 yilgacha "Lids"ga egalik qilgan.