"Лидс"нинг собиқ хўжайини, италиялик Массимо Челлино 2014 йилнинг январида инглиз клубига қўшилганидан кейин қандай қилиб тасодифан мураббийни ишдан бўшатганини айтиб берди.

Челлино ҳозирда Италиянинг "Брешиа" клубига эгалик қилади ва мураббийларни тез-тез алмаштириб туриши билан машҳур. У шунингдек, жуда хурофотли ва туғилган санасида 17 рақами борлиги сабабли ўйинчини рад этишга тайёр, шунингдек, бинафша рангга дош беролмайди.

"Лидс"га келганимда, мен бутунлай саросимага тушдим. Менинг инглиз тилим жуда ёмон эди. Менинг талаффузим даҳшатли эди. Борганимда клуб офисида бинафша рангли бахмал диван бор эди. Мен: "Бу лаънати диванни алмаштиринг, мен уни бошқа кўришни хоҳламайман", дедим. Ва улар ўша мураббийни ишдан бўшатишди!" - деди Челлино Daily Mail берган интервьюсида.

Англиялик Брайан Макдермоттнинг омади чопмади, бош мураббий янги хўжайин келганидан кейин "Лидс"ни тарк этди.

"Улар мендан: "Эртага жамоани ким бошқаради?" Мен: “Нима демоқчисиз? Бизда мураббий йўқми? Улар: "Сиз уни ишдан бўшатгансиз", дейишди. "Мен менежерни ишдан бўшатганманми? Жин ўрсин!" - деб эслайди Челлино.

Италиялик мутахассиснинг сўзларига кўра, шундан сўнг "Лидс"нинг икки минг мухлиси клуб офисига у билан гаплашиб олиш учун келган, шунда уни полиция машинасида олиб кетишган.

Челлино 2014 йилдан 2017 йилгача "Лидс"га эгалик қилган.