"Napoli" prezidenti Aurelio De Laurentis jamoa hujumchisi Viktor Osimxenning kelajagi haqida o‘z fikrlari bilan o‘rtoqlashdi.
"Biz Osimxen bilan gaplashishda davom etamiz. Biz unga yozda yangi shartnoma taklif qilgandik, ammo u hali imzolashga tayyor emas. Shu sababli, "Napoli" futbolchini keyingi yili sotish imkoniyatini ko‘rib chiqadi", - dedi funksioner.
Joriy mavsumda 24 yoshli forvard 12 ta o‘yinda maydonga tushib, 6 ta gol va 2 ta golli uzatmani amalga oshirgan. Osimxenning "Napoli" bilan amaldagi shartnomasi 2025 yilning yoziga qadar tuzilgan. Transfermarkt portali ma’lumotlariga ko‘ra, nigeriyalik futbolchining narxi 120 million yevro.
