"Наполи" президенти Аурелио Де Лаурентис жамоа ҳужумчиси Виктор Осимхеннинг келажаги ҳақида ўз фикрлари билан ўртоқлашди.
"Биз Осимхен билан гаплашишда давом этамиз. Биз унга ёзда янги шартнома таклиф қилгандик, аммо у ҳали имзолашга тайёр эмас. Шу сабабли, "Наполи" футболчини кейинги йили сотиш имкониятини кўриб чиқади", - деди функционер.
Жорий мавсумда 24 ёшли форвард 12 та ўйинда майдонга тушиб, 6 та гол ва 2 та голли узатмани амалга оширган. Осимхеннинг "Наполи" билан амалдаги шартномаси 2025 йилнинг ёзига қадар тузилган. Transfermarkt портали маълумотларига кўра, нигериялик футболчининг нархи 120 миллион евро.
