Ispaniyaning "Atletik" klubi Ispaniya milliy terma jamoasi darvozaboni Unai Simon bilan shartnomani uzaytirish borasida tez orada kelishib olishga umid qilmoqda, deya xabar bermoqda As nashri.
Manbaga ko‘ra, "Bavariya", "Manchester Yunayted" va Saudiya Arabistoni jamoalarining qiziqishiga qaramay, futbolchining ustuvorligi o‘zgarishsiz qolmoqda - Bilbao klubida qolish. "Basklar" rahbariyati kelasi bir necha hafta ichida kelishuvni uzaytirish bo‘yicha muzokaralar muvaffaqiyatli yakunlanishiga ishonmoqda.
Simon "Atletik" tarbiyalanuvchisi. Joriy mavsumda darvozabon barcha turnirlarda 14 ta o‘yin o‘tkazib, 18 ta gol o‘tkazib yuborgan. Futbolchining ispan klubi bilan shartnomasi 2025 yilning iyun oyi oxirigacha amal qiladi. Transfermarkt portaliga ko‘ra futbolchining taxminiy narxi 25 million yevroni tashkil qiladi.
