Saudiyaning "Al-Hilol" klubi bosh murabbiy lavozimiga Joze Mourinyoni taklif qilish fikridan voz kechdi.
Jurnalist Rudi Galettining ijtimoiy tarmoqlarda xabar berishicha, yaxshi natijalar fonida klub rahbarlarining Jorje Jesusga bo‘lgan ishonchi ortgan. Ayni damda "Al-Hilol" ushbu mutaxassis bilan ishlashni davom ettirishga qaror qilgan va Joze Mourinyoning taklifi qaytarib olingan.
Shu bilan birga, Mourinyoga Saudiya Arabistonining boshqa bir klubi "Al-Ahli" hamon qiziqish bildirayotgani qayd etilgan.
Eslatib o‘tamiz, Joze Mourinyoning "Roma" bilan amaldagi shartnomasi 2023/2024 yilgi mavsum oxirigacha amal qiladi.