«Yuventus» markaziy himoyachisi Federiko Gattini sotishdan bosh tortdi.

25 yoshli futbolchi joriy mavsumda Massimiliano Allegri jamoasida asosiy tarkibda maydonga tushdi.

Yaqinda A Seriya doirasida «Monsa»ga qarshi o‘yinda (2:1) markaziy himoyachi 94-daqiqada gol urib, turinliklarga g‘alaba keltirdi.

Insayder Nikolo Skiraning so‘zlariga ko‘ra, Gattining faoliyati boshqacha kechishi mumkin edi: o‘tgan yozda «Nottingem Forest» klubi italiyalik uchun 25 million yevro taklif qilgandi. «Yuventus» bu kelishuvni ma’qullamadi, futbolchining o‘zi ham qolishni xohladi.