Ispaniya terma jamoasi bosh murabbiyi Luis de la Fuente Braim Diasning qaysi terma jamoani tanlashi mumkinligi haqida gapirdi.
24 yoshli yarim himoyachi "Real Madrid"ning asosiy tarkibiga kirib oldi va "Los Blankos" uchun so‘nggi to‘rtta o‘yinda ikkita gol urdi va bitta golli uzatmani amalga oshirdi. Dias Ispaniya terma jamoasida atigi bir marta o‘ynadi (2021 yilda), shuning uchun u sport fuqaroligini o‘zgartirish huquqiga ega - yarim himoyachida Marokash terma jamoasida o‘ynash huquqi ham bor.
"Bu masalada asosiysi futbolchining o‘z xohishi. Braim Ispaniya terma jamoasida o‘ynamoqchi. U ispaniyalik va uning "Real Madrid"dagi o‘yinlaridan mamnunman", - dedi de la Fuente Diasning terma jamoaga taklif qilinishi haqidagi savolga javob berar ekan.