«Bavariya» prezidenti Gerbert Xayner Myunxen klubi qishki transfer oynasi uchun katta byudjetga ega bo‘lishini ta’kidladi.
Eslatib o‘tamiz, avvalroq Tomas Tuxel jamoasi yanvar oyida yangi markaziy himoyachi sotib olmoqchiligi haqida xabarlar tarqalgan edi.
«Biz yanvar oyida tarkibni qanday kuchaytirishimiz mumkinligini ko‘rib chiqyapmiz. Qishki ta’til boshlanishiga hali bir necha hafta bor.
Tez orada muayyan qarorlar qabul qilinadi. Byudjetmi? Iqtisodiy ahvolimiz yaxshi. Biz transfer bozorida sodir bo‘layotgan voqealarga tezda javob bera olamiz», - deya Xaynerning so‘zlarini keltiradi Germaniyaning Bild nashri.
