Milanning “Inter” klubi yarim himoyachisi Nikolo Barella jamoasi 3:0 hisobida g‘alaba qozongan “Napoli”ga qarshi o‘yinda mavsumdagi ilk golini urdi. Barella so‘nggi o‘yindagi voqealarga izoh berdi va jamoadoshlariga minnatdorchilik bildirdi.
"Qiyin pallada meni qo‘llab-quvvatlagan barcha jamoadoshlarimdan juda minnatdorman - maydonda yaxshi ishlamadim, hammasi yomon ketayotgandi. Shuning uchun men bu golimni ularga, shuningdek, oilam, rafiqam va qizlarimga bag‘ishlamoqchiman”, — deya Nikolo Barella so‘zlarini keltiradi fcinter1908.it.
A Seriyaning navbatdagi turida “Inter” o‘z maydonida “Udineze”ni qabul qiladi.
