Миланнинг “Интер” клуби ярим ҳимоячиси Николо Барелла жамоаси 3:0 ҳисобида ғалаба қозонган “Наполи”га қарши ўйинда мавсумдаги илк голини урди. Барелла сўнгги ўйиндаги воқеаларга изоҳ берди ва жамоадошларига миннатдорчилик билдирди.
"Қийин паллада мени қўллаб-қувватлаган барча жамоадошларимдан жуда миннатдорман - майдонда яхши ишламадим, ҳаммаси ёмон кетаётганди. Шунинг учун мен бу голимни уларга, шунингдек, оилам, рафиқам ва қизларимга бағишламоқчиман”, — дея Николо Барелла сўзларини келтиради fcinter1908.it.
А Сериянинг навбатдаги турида “Интер” ўз майдонида “Удинезе”ни қабул қилади.
