Madridning “Atletiko” klubi darvozaboni Yan Oblak Ispaniya chempionatining 15-turi doirasidagi “Barselona”dan mehmondagi mag‘lubiyat haqida fikr bildirdi. Uchrashuv 1:0 hisobida "ko‘k-anorranglilar" foydasiga hal bo‘ldi.
“Bu natijadan xafa bo‘ldim. Biz o‘yinni yomon boshladik va birinchi bo‘limda juda yomon o‘ynadik. Buning uchun raqib bizni jazoladi. Bizga nima bo‘lganini tushunmayapman. Bu sharmandali o‘yin bo‘ldi. Agar "Atletiko" ikkinchi bo‘limdagidek boshidan o‘ynaganida, bizda imkoniyat bo‘lardi", - deya sloveniyalikning so‘zlaridan iqtibos keltiradi FootballEspana.com
Kechagi mag‘lubiyatdan keyin "matraschilar" 28 ochko bilan La Liga turnir jadvalida to‘rtinchi o‘rinda bormoqda.