Мадриднинг “Атлетико” клуби дарвозабони Ян Облак Испания чемпионатининг 15-тури доирасидаги “Барселона”дан меҳмондаги мағлубият ҳақида фикр билдирди. Учрашув 1:0 ҳисобида "кўк-анорранглилар" фойдасига ҳал бўлди.
“Бу натижадан хафа бўлдим. Биз ўйинни ёмон бошладик ва биринчи бўлимда жуда ёмон ўйнадик. Бунинг учун рақиб бизни жазолади. Бизга нима бўлганини тушунмаяпман. Бу шармандали ўйин бўлди. Агар "Атлетико" иккинчи бўлимдагидек бошидан ўйнаганида, бизда имконият бўларди", - дея словенияликнинг сўзларидан иқтибос келтиради FootballEspana.com
Кечаги мағлубиятдан кейин "матрасчилар" 28 очко билан Ла Лига турнир жадвалида тўртинчи ўринда бормоқда.
