Himoyachi Daniel Karvaxal "Real Madrid" shifoxonasining oxirgi futbolchisiga aylandi. Futbolchi bir oyga yaqin maydonga tusha olmaydi. Shu tariqa, hozirda "Los Blankos" klubi kasalxonasida sakkiz nafar futbolchi bor.
"Real Madrid"da o‘ynay olmaydigan futbolchilar ro‘yxati quyidagicha: Tibo Kurtua, Eder Militao, Daniel Karvaxal, Eduardo Kamavinga, Aureliyen Tchuameni, Luka Modrich, Arda Gyuler, Vinisius Junior.
Aytish joizki, Jud Bellingemning yelkasida muammolar bor, ammo bu uning maydonga tushishiga to‘sqinlik qilmaydi. Shu bilan birga, o‘tgan haftada qaysidir vaqtda angliyalik futbolchi jarrohlik amaliyotini boshdan kechirishi mumkinligi xabar qilingandi.
