Patrik Klyuyvert tomonlarning o‘zaro kelishuviga ko‘ra “Adana Demperspor” klubi bosh murabbiyligidan iste’foga chiqdi. Bu haqda klub matbuot xizmati xabar bermoqda.

47 yoshli niderlandiyalik mutaxassis Vinchenso Montella ketganidan so‘ng 2023 yilning iyulidan buyon turk jamoasini boshqarib kelayotgandi. Uning qo‘l ostidagi 20 uchrashuvda adanaliklar 8 g‘alaba qozongan, 6 marta mag‘lubiyat alamini totib ko‘rgan va olti marta durang qayd etgan.

Turkiya chempionatida “Adana Demirspor” 14 uchrashuvdan so‘ng 5-o‘rinda bormoqda. Jamoa oxirgi to‘rtta o‘yinda g‘alaba qozona olmadi.