Патрик Клюйверт томонларнинг ўзаро келишувига кўра “Адана Демперспор” клуби бош мураббийлигидан истеъфога чиқди. Бу ҳақда клуб матбуот хизмати хабар бермоқда.

47 ёшли нидерландиялик мутахассис Винченцо Монтелла кетганидан сўнг 2023 йилнинг июлидан буён турк жамоасини бошқариб келаётганди. Унинг қўл остидаги 20 учрашувда аданаликлар 8 ғалаба қозонган, 6 марта мағлубият аламини тотиб кўрган ва олти марта дуранг қайд этган.

Туркия чемпионатида “Адана Демирспор” 14 учрашувдан сўнг 5-ўринда бормоқда. Жамоа охирги тўртта ўйинда ғалаба қозона олмади.