"Kopengagen"ning 18 yoshli yarim himoyachisi Roni Bardji Yevropaning bir qator top-klublari qiziqish doirasiga tushib qolgan. Bu haqda jurnalist Fabrisio Romano ijtimoiy tarmoqlar orqali xabar bermoqda.
Insayderning so‘zlariga ko‘ra, Bardjiga "Barselona", "Yuventus", "Chelsi" va "Bayer" kabi klublar qiziqish bildirgan. Roni "Kopengagen" akademiyasi tarbiyalanuvchisi va uning klub bilan shartnomasi 2025 yilning o‘rtalariga qadar amal qiladi. Transfer portali ekspertlari vingerning narxini to‘rt million yevroga baholamoqda.
Joriy mavsumda yarim himoyachi Daniya jamoasi safida 28 ta uchrashuvda ishtirok etib, 11 ta gol urishga erishdi.
