"Копенгаген"нинг 18 ёшли ярим ҳимоячиси Рони Барджи Европанинг бир қатор топ-клублари қизиқиш доирасига тушиб қолган. Бу ҳақда журналист Фабрицио Романо ижтимоий тармоқлар орқали хабар бермоқда.

Инсайдернинг сўзларига кўра, Барджига "Барселона", "Ювентус", "Челси" ва "Байер" каби клублар қизиқиш билдирган. Рони "Копенгаген" академияси тарбияланувчиси ва унинг клуб билан шартномаси 2025 йилнинг ўрталарига қадар амал қилади. Transfer портали экспертлари вингернинг нархини тўрт миллион еврога баҳоламоқда.

Жорий мавсумда ярим ҳимоячи Дания жамоаси сафида 28 та учрашувда иштирок этиб, 11 та гол уришга эришди.