"Barselona", "Liverpul" va "Atletiko Madrid"dagi o‘yinlari bilan tanilgan yulduz hujumchi Luis Suares sog‘ligidagi muammolar haqida gapirdi.

“Men tizzamni to‘liq tiklay olmayman. Bu bir necha yil oldin o‘tkazgan operasiyam bilan bog‘liq. Men doimo tizzamda og‘riq his qilaman. O‘yindan oldin men tabletkalarni ichaman va malhamdan foydalanaman. Men shuningdek ba’zan pastki sonda og‘riq sezaman, belim ham tez-tez bezovta qiladi. Men boshdan kechirgan og‘riq chegarasiga qarab har kuni turli xil muolajalar qilaman. Men kelajagim haqida o‘ylashim kerak", - deya 36 yoshli futbolchining so‘zlaridan iqtibos keltiradi Infobae.

Avvalroq Suares yanvarda “Inter Mayami”ga o‘tishi haqida xabar berilgandi.