"Toronto"da o‘ynayotgan italiyalik vinger Federiko Bernardeski "Yuventus"ga qaytishi mumkinligi haqida gapirdi.
“Hozir ishim yaxshi, ta’tilimni maroqli o‘tkazyapman. "Yuventus"ga qaytishim mumkinmi? Bu klub mening qalbimda abadiy, qalbimning bir qismi o‘sha yerda qolgan. Qaytishdan xursand bo‘lardim, lekin kelajakda nima bo‘lishini ko‘ramiz", - dedi futbolchi.
29 yoshli vinger joriy mavsum MLSda 31 ta o‘yinda maydonga tushib, 5 ta gol urdi va 2 ta golli uzatmani amalga oshirdi. Uning "Toronto" bilan shartnomasi 2026 yil oxirigacha amal qiladi.
