"Napoli"ga qarshi o‘yinda Stefan De Vrey va Denzel Dyumfris jarohat oldi.

Bugun "Inter" futbolchilari tibbiy ko‘rikdan o‘tishdi. De Vrey ham, Dyumfris ham sonidan jarohat oldi. Keyingi hafta futbolchilar qo‘shimcha tekshiruvdan o‘tadilar.

Janluka Di Marsioning xabariga ko‘ra, De Vrey va Dyumfris 20 kunni o‘tkazib yuborishi mumkin.

Shuningdek, Marko Arnautovich barmog‘i singanligi sababli qo‘lidagi himoya bandaji bilan bo‘lajak o‘yinlarda maydonga tushishi xabar qilingan.

"Inter" navbatdagi o‘yinini 9 dekabr kuni o‘tkazadi – "neradzurrilar" A Seriyaning 15-turida "Udineze"ni qabul qiladi.