Pep Gvardiola qayd etilgan ketma-ket uchta durang haqida fikr bildirdi.

Premyer-ligadagi so‘nggi uchta o‘yinda "Manchester Siti" 3 ochkoni qo‘lga kiritdi - jamoa "Chelsi" (4:4), "Liverpul" (1:1) va "Tottenxem" (3:3) bilan durang o‘ynadi.

Bu omadsiz natijalar jamoa uchun motivasiya bo‘la oladimi, degan savolga "shaharliklar" bosh murabbiyi javob berdi.

"Men hech qachon bunday vaziyatlardan foydalanmayman - motivasiya shunchaki yaxshiroq o‘ynashga harakat qilish. Men tushunamanki, agar biror narsa yutishni istasangiz, raqiblaringizdan ancha yaxshi o‘ynashingiz kerak. Agar siz bir xil darajada bo‘lganingizda, g‘alaba qozonish har doim ham mumkin emas, shuning uchun siz ko‘proq va ancha yaxshi o‘ynashingiz kerak va biz buni qilishimiz kerak.

Odamlar uchta durangdan keyin bizning chempionatimizga ishonmayapti, lekin biz buni yana takrorlaymiz. Bilamizki, ketma-ket 4 marta Premyer-liga chempionligini qo‘lga kiritish oson emas, hech bir jamoa bunga erishmagan va shuning uchun ham qiyinchiliklar bor. Ammo mendan o‘zimni qanday his qilayotganimni so‘rasangiz, men buni yana takrorlamoqchiman", - dedi Gvardiola.