Londonning “Arsenal” klubi bosh murabbiyi Mikel Arteta jamoasining dramatik g‘alabasidan (4:3) keyin o‘z his-tuyg‘ulari bilan o‘rtoqlashdi.
"Men juda baxtliman. Oldinda bizni qiyin jang kutib turganini bilardik, ammo yo‘q joydan gollar o‘tkazib yuborish orqali o‘zimizga qiyinchilik tug‘dirdik. Futbolchilarimiz qanday kurashganliklari, eng kerakli paytda ko‘rsatgan fazilatlarini alohida ta’kidlash joiz. Ular oxirigacha taslim bo‘lishmadi, buning uchun mukofot olishdi", - deya Arteta so‘zlarini keltiradi BBC.
