"Manchester Siti" himoyachisi Kayl Uoker g‘alaba qozonishda davom etish istagi haqida gapirdi.

"Bu mening yettinchi mavsumim va biz Premyer-ligani besh marta yutganmiz. Men o‘zimni tinchlanayotganimni his qilyapmanmi? Yo‘q. Men borib, buni yana takrorlamoqchiman, chunki sizni ishontirib aytamanki, bayram oxirida, orqaga qarab, medallarni qo‘lga kiritsangiz, shohsupaga ko‘tarilish... futbolda bundan yaxshi tuyg‘u yo‘q.

Men birinchi medalimni olish uchun juda ko‘p yillar kutdim va uni qo‘lga kiritganimdan keyin bu giyohvandlikka aylandi. Men davom etishim va ko‘proq g‘alaba qozonishim kerak.

Bernardu Silva, Ederson, Jon Stouns, Kevin De Bryuyne va ko‘p yillardan buyon o‘ynayotgan boshqa futbolchilar ham xuddi shunday. Biz kelayotgan yangi o‘yinchilar guruhiga yoki bu yerda qisqa vaqt bo‘lganlarga oldinga intilishda davom etishimizni aytishimiz kerak. Bizda ma’lum standartlar bor, murabbiyning o‘ziga va jamoaga qo‘yadigan o‘z talablari bor, har kimning bir butun jamoa sifatida o‘z standartlari bo‘lishi kerak", - dedi Uoker "Manchester Siti" rasmiy saytiga.