"Nyukasl" bosh murabbiyi Eddi Xau klub taniqli darvozabon David de Xea bilan shartnoma imzolashi mumkinligi haqidagi savollarga javob berdi.
Xabaringiz bor, “Nyukasl” yelkasidagi jarohat tufayli Nik Poupni uzoq muddatga yo‘qotdi. David de Xea "Manchester Yunayted"ni tark etganidan so‘ng yozdan beri erkin agent bo‘lib kelmoqda.
"Matbuotdagi ma’lumotlarga qaramay, biz hech qanday so‘rov qilmadik. Biz haqiqatan ham Martin Dubravkaga ishonamiz, men u haqida doim yuqori fikrda bo‘lganman. Martin yuqori saviyali darvozabon”, - dedi Xau jurnalistlarga.
Ayni paytda "Nyukasl" Angliya chempionati turnir jadvalida oltinchi o‘rinni egallab turibdi. Eddi Xau shogirdlari payshanba kuni safarda "Everton"ga qarshi o‘yin o‘tkazadi.
