“Manchester Siti”ga qarshi o‘yinda “Aston Villa” to‘liq ustunlikka ega bo‘ldi.
Premyer-liganing 15-turidan o‘rin olgan bahsda o‘z uyida Unai Emeri shogirdlari 1:0 hisobida zafar quchdi.
Ushbu o‘yin davomida mezbonlar futbolchilari raqib darvozasi tomon 22 marta zarba yo‘llashdi. Ulardan 7 tasi nishonga aniq yetib bordi. Mehmonlar esa 2 bor zarba berdi.
Birmingemliklarning jami kutilgan gollari (xG ) 2,33 ni tashkil etgan bo‘lsa, "Siti"niki 0,86, "Siti"ning xG'si 11-daqiqadan keyin esa 0 ga teng.
Bundan tashqari, “Aston Villa” Premyer-ligada Pep Gvardiola boshchiligidagi “Manchester Siti”ga qarshi bitta o‘yinda 21 dan ortiq zarba yo‘llagan birinchi klub bo‘ldi. Ispaniyalik mutaxassis Angliya chempionatida "shaharliklar" boshchiligida 281 o‘yin o‘tkazgan.
