Amerika kubogi-2024 rasmiy sayti musobaqaga mezbonlik qiladigan arenalar ro‘yxatini e’lon qildi. Ularning har biri bittadan uchtagacha o‘yinlarga mezbonlik qiladi. Musobaqa 20 iyundan 14 iyulga qadar AQSHda bo‘lib o‘tadi.
Turnir o‘yinlari 14 ta shahardagi 14 ta stadionda o‘tkaziladi. Ularga «Ellidjent Stedium» (Las-Vegas, Nevada), «Ey-Ti-end-Ti Stedium» (Arlington, Texas), «Bank of Amerika Stedium» (Sharlott, Shimoliy Karolina), «Childrens Mersi Park» (Kanzas-Siti, Kanzas), «Eksploriya Stedium» (Orlando, Florida), «GEHA Fild end Errouxed Stedium» (Kanzas-Siti, Missuri), «Xard Rok Stedium» (Mayami-Gardens, Florida), «Livays Stedium» (Santa-Klara, Kaliforniya), «Mersedes-Bens Stedium» (Atlanta, Djordjiya), «Metlayf Stedium» (Ist-Ruterford, Nyu-Djersi), «En-ar-dji Stedium» (Xyuston, Texas), «Kyu-tu Stedium» (Ostin, Texas), «Sou-Fay Stedium» (Inglvud, Kaliforniya) va «Steyt-Farm Stedium» (Glendeyl, shtat Arizona) stadionlari mezbonlik qiladi.
Ochilish o‘yini Atlantada, final esa Mayami Gardensda bo‘lib o‘tadi.
Guruh bosqichi 20 iyundan 2 iyulgacha, chorak final 4-6 iyul kunlari, yarim final 9 va 10 iyul kunlari, uchinchi o‘rin uchun o‘yinlar 13 iyulda va nihoyat final 14 iyulda bo‘lib o‘tadi. Hal qiluvchi bahs Yevro-2024 finali bilan bir kunda bo‘lib o‘tadi.
