Америка кубоги-2024 расмий сайти мусобақага мезбонлик қиладиган ареналар рўйхатини эълон қилди. Уларнинг ҳар бири биттадан учтагача ўйинларга мезбонлик қилади. Мусобақа 20 июндан 14 июлга қадар АҚШда бўлиб ўтади.

Турнир ўйинлари 14 та шаҳардаги 14 та стадионда ўтказилади. Уларга «Эллиджент Стэдиум» (Лас-Вегас, Невада), «Эй-Ти-энд-Ти Стэдиум» (Арлингтон, Техас), «Банк оф Америка Стэдиум» (Шарлотт, Шимолий Каролина), «Чилдренс Мерси Парк» (Канзас-Сити, Канзас), «Эксплория Стэдиум» (Орландо, Флорида), «GEHA Филд энд Эрроухед Стэдиум» (Канзас-Сити, Миссури), «Хард Рок Стэдиум» (Майами-Гарденс, Флорида), «Ливайс Стэдиум» (Санта-Клара, Калифорния), «Мерседес-Бенц Стэдиум» (Атланта, Джорджия), «Метлайф Стэдиум» (Ист-Рутерфорд, Нью-Джерси), «Эн-ар-джи Стэдиум» (Хьюстон, Техас), «Кью-ту Стэдиум» (Остин, Техас), «Соу-Фай Стэдиум» (Инглвуд, Калифорния) ва «Стейт-Фарм Стэдиум» (Глендейл, штат Аризона) стадионлари мезбонлик қилади.

Очилиш ўйини Атлантада, финал эса Майами Гарденсда бўлиб ўтади.

Гуруҳ босқичи 20 июндан 2 июлгача, чорак финал 4-6 июль кунлари, ярим финал 9 ва 10 июль кунлари, учинчи ўрин учун ўйинлар 13 июлда ва ниҳоят финал 14 июлда бўлиб ўтади. Ҳал қилувчи баҳс Евро-2024 финали билан бир кунда бўлиб ўтади.