"Yuventus" "Bavariya" hujumchisi Tomas Myullerga qiziqish bildirmoqda.
Sport Bild xabariga ko‘ra, Myunxen klubi 34 yoshli futbolchi bilan shartnomani uzaytirmaslikka qaror qilsa, "Yuventus" Myullerni erkin agent sifatida qo‘lga kiritishga harakat qiladi. Qayd etilishicha, nemis futbolchisini “Inter”, “Milan” va “Manchester Yunayted” klublari ham kuzatib bormoqda.
Myullerning "Bavariya" bilan amaldagi shartnomasi 2024 yilning yoziga qadar tuzilgan. Transfermarkt portali Germaniya terma jamoasi futbolchisini 12 million yevroga baholamoqda.
Joriy mavsumda hujumchi myunxenliklar safida 15 ta o‘yinda maydonga tushib, 2 ta gol urdi va 5 ta golli uzatmani amalga oshirdi.