Saudiya Arabistoni suveren jamg‘armasi (PIF) bir necha kun avval «Barselona» hujumchisini sotib olishga jiddiy harakat qildi.
Bu haqda jurnalist Rudi Galleti ijtimoiy tarmoqlarda xabar berdi. Saudiyaliklar yulduz to‘purarni o‘z ligalariga taklif qilish imkoniyatlarini o‘rganmoqda va uning atrofidagilar bilan bog‘langan.
Xabaringiz bor, Saudiya Arabistonida ko‘plab top-futbolchilar to‘p tepadi, xususan, Krishtianu Ronaldu. Yevropadan ko‘plab yuqori maqomli futbolchilar uchun bu yo‘lni portugal ochib bergan.
Robert Levandovski 35 yoshda. Nufuzli Transfermarkt portali mutaxassislari polyakni 30 million yevroga baholamoqda.
Agar 2023/2024 yilgi mavsumni oladigan bo‘lsak, Levandovski «Barselona»ning 17 ta o‘yinida 8 ta gol urdi va 4 ta golli uzatmani amalga oshirdi.