Chempionlar ligasining 1/8 finalida kimlar o‘zaro o‘ynashi mumkinligi ma’lum bo‘ldi.
Turnirning o‘tish bosqichidan (pley-off) «Real», «PSJ», «Atalanta», «Galatasaroy», «Budyo-Glimt», «Bayer», «Nyukasl» va «Atletiko» jamoalari muvaffaqiyatli o‘tishdi. Ular umumiy bosqich yakunlariga ko‘ra kuchli sakkizlikka (top-8) kirgan jamoalarga qo‘shilishadi.
Chempionlar ligasining 1/8 finaliga qur’a tashlash marosimi 27 fevral kuni Nyon shahrida bo‘lib o‘tadi. Qur’a jarayonida har bir jamoada ikkita raqibdan birini tanlash imkoniyati bo‘ladi. Jamoalar umumiy bosqich natijalariga ko‘ra quyidagi juftliklarga birlashtirilgan:
-
«PSJ» yoki «Nyukasl» — «Barselona» yoki «Chelsi»
-
«Galatasaroy» yoki «Atletiko» — «Liverpul» yoki «Tottenxem»
-
«Real» yoki «Budyo-Glimt» — «Sporting» yoki «Manchester Siti»
-
«Atalanta» yoki «Bayer» — «Arsenal» yoki «Bavariya»
