Marokashlik futbolchi Ashraf Hakimi "PSJ" mashg‘ulotlarini o‘tkazib yubordi. Bu haqda poytaxt klubi matbuot xizmati xabar berdi.

"Klub bilan kelishilgan holda, Hakimi shaxsiy sabablarga ko‘ra jamoaning bugungi mashg‘ulotlarini o‘tkazib yubordi", - deyiladi parijliklar bayonotida.

Kelgusi dam olish kunlari "PSJ" o‘z maydonida "Nant"ga qarshi o‘ynaydi. O‘yin 9 dekabr kuni bo‘lib o‘tadi va Toshkent vaqti bilan soat 01:00da boshlanadi.

Fransiya chempionatining joriy mavsumida marokashlik futbolchi 12 ta o‘yin o‘tkazib, 3 ta gol va 4 ta golli uzatmani amalga oshirdi. 14-tur natijalariga ko‘ra, "PSJ" Liga 1da peshqadamlik qilmoqda.