Марокашлик футболчи Ашраф Ҳакими "ПСЖ" машғулотларини ўтказиб юборди. Бу ҳақда пойтахт клуби матбуот хизмати хабар берди.
"Клуб билан келишилган ҳолда, Ҳакими шахсий сабабларга кўра жамоанинг бугунги машғулотларини ўтказиб юборди", - дейилади парижликлар баёнотида.
Келгуси дам олиш кунлари "ПСЖ" ўз майдонида "Нант"га қарши ўйнайди. Ўйин 9 декабрь куни бўлиб ўтади ва Тошкент вақти билан соат 01:00да бошланади.
Франция чемпионатининг жорий мавсумида марокашлик футболчи 12 та ўйин ўтказиб, 3 та гол ва 4 та голли узатмани амалга оширди. 14-тур натижаларига кўра, "ПСЖ" Лига 1да пешқадамлик қилмоқда.
