"Arsenal"ning 23 yoshli yarim himoyachisi Emil Smit-Rou faoliyatini "Aston Villa" klubida davom ettirishi mumkin, deb xabar bermoqda Football Transfers nashri.
Manba bergan xabarga ko‘ra, "sherlar" yarim himoyachini anchadan buyon kuzatib turishibdi va keyingi transfer oynasida u bilan shartnoma imzolashga tayyor. O‘z navbatida, "kanonirlar" o‘z tarbiyalanuvchisi bilan xayrlashishga tayyor.
Smit-Rou londonliklar safida 104 ta o‘yinda qatnashib, 18 ta gol urdi va 12 ta golli uzatmani amalga oshirdi. Transfermarkt futbolchining narxini 30 million yevroga baholamoqda. Emil va "Arsenal" o‘rtasidagi amaldagi shartnoma muddati 2026 yilning iyun oyi oxirigacha.
