"Арсенал"нинг 23 ёшли ярим ҳимоячиси Эмил Смит-Роу фаолиятини "Астон Вилла" клубида давом эттириши мумкин, деб хабар бермоқда Football Transfers нашри.
Манба берган хабарга кўра, "шерлар" ярим ҳимоячини анчадан буён кузатиб туришибди ва кейинги трансфер ойнасида у билан шартнома имзолашга тайёр. Ўз навбатида, "канонирлар" ўз тарбияланувчиси билан хайрлашишга тайёр.
Смит-Роу лондонликлар сафида 104 та ўйинда қатнашиб, 18 та гол урди ва 12 та голли узатмани амалга оширди. Transfermarkt футболчининг нархини 30 миллион еврога баҳоламоқда. Эмил ва "Арсенал" ўртасидаги амалдаги шартнома муддати 2026 йилнинг июнь ойи охиригача.
