"Bavariya" bosh murabbiyi Tomas Tuxel jamoaning yangi hujumchisi Brayan Saragosa haqida fikr bildirdi.

"U yaxshi driblingchi, yakkama-yakka juda kuchli. Brayan juda ishonchli va juda chanqoq. U bizga qo‘shilganidan xursandmiz", - dedi Tuxel.

Eslatib o‘tamiz, avvalroq "Bavariya" "Granada"dan Saragosani sotib olganini rasman e’lon qilgan, biroq 22 yoshli ispaniyalik futbolchi myunxenliklar safiga faqat keyingi yozda kelib qo‘shiladi. Transfer narxi 15 million evroni tashkil qildi.

Joriy mavsumda Saragosa La Liganing 14 ta uchrashuvida maydonga tushib, 5 ta gol urdi va 2 ta golli uzatmani amalga oshirdi.