“Shtutgart” hujumchisi Seru Girassida faoliyatini Angliya chempionatida davom ettirish imkoniyati bor. Sky Germany jurnalistlarining xabar berishicha, 27 yoshli gvineyalik hujumchi xizmatlariga “Manchester Yunayted” qiziqmoqda.

Tomonlar allaqachon muzokaralarga kirishgan. Girassining mankunianliklar jamoasiga o‘tishi yanvar oyidagi transfer oynasida yakunlanishi mumkin.

Bundesliganing joriy mavsumida Girassi 11 ta o‘yin o‘tkazib, 16 ta gol urdi. Afrikalik futbolchining "Shtutgart" bilan shartnomasi 2026 yilning iyun oyi oxirigacha amal qiladi. Hujumchining transfer narxi 40 million yevroni tashkil qiladi.