“Штутгарт” ҳужумчиси Серу Гирассида фаолиятини Англия чемпионатида давом эттириш имконияти бор. Sky Germany журналистларининг хабар беришича, 27 ёшли гвинеялик ҳужумчи хизматларига “Манчестер Юнайтед” қизиқмоқда.

Томонлар аллақачон музокараларга киришган. Гирассининг манкунианликлар жамоасига ўтиши январь ойидаги трансфер ойнасида якунланиши мумкин.

Бундеслиганинг жорий мавсумида Гирасси 11 та ўйин ўтказиб, 16 та гол урди. Африкалик футболчининг "Штутгарт" билан шартномаси 2026 йилнинг июнь ойи охиригача амал қилади. Ҳужумчининг трансфер нархи 40 миллион еврони ташкил қилади.